Actualidad y noticias

Apoiamos as mobilizacións convocadas polo feminismo galego polo Día Internacional para a Eliminación da Violencia Contra as Mulleres. 

Os nosos compañeiros do Federal do Sector de Ensino de FeSP-UGT fixéronnos chegar este comunicado no que manifestan o seu rexeitamento ás manifestacións que o sindicato  FSIE está a lanzar contra a nosa organización con ocasión do debate sobre a  LOMLOE. 

O Sector de Ensino de FeSP-UGT Galicia e Escola Viva anunciaron hoxe en rolda de prensa a convocatoria da sétima edición do Premio á Innovación Educativa, organizados por ambas entidades. O prazo para a presentación dos traballos queda aberto dende...

A raíz da sentenza do día 3 de Outubro na Sala do contencioso-administrativo do Tribunal supremo, a UGT insta a que os traballadores reclamen a devolución do IRPF por prestacións de maternidade. Dentro desta noticia poderás atopar información o respecto así como os formularios para reclamalo.

FeSP-UGT Galicia asinou o 18 de xullo coa Administración un incremento retributivo para todo o profesorado galego, pero anuncia que seguirá loitando por restituír os dereitos perdidos durante a crise. Desta forma, FeSP-UGT Ensino consegue un incremento retributivo de 1.260 euros anuais para todo o profesorado galego. Este incremento súmase ó incremento anual do 1.75% acadado co II Acordo Goberno-Sindicatos para a mellora do emprego público e condicións de traballo, tamén conquerido por FeSP-UGT para todos os empregados públicos.

No día de hoxe, a Comisión Escolar de Alertas volve declarar a NON SUSPENSIÓN, deixando en mans das direccións dos centros a suspensión da actividade escolar ou do transporte escolar sempre e cando pasen a unha situación de alerta superior. En fin…

FeSP-UGT esixe que ten que ser a Consellería quen decida se se suspenden as clases polas condicións meteorolóxicas.

FeSP-UGT Galicia manifesta o seu absoluto desacordo co borrador da Zonificación Escolar da Área Educativa de Vigo, por estar baseado somentes en  criterios técnicos e non ter en conta criterios educativos e pedagóxicos. Por ese motivo este sindicato solicita que se escoite á comunidade educativa para rezonificar dun xeito acorde ás necesidades de todos.

 FeSP-UGT Ensino denuncia o lamentable abandono por parte da consellería da meirande parte dos centros educativos afectados pola onda de incendios do domingo 15 de outubro; deixando aos equipos directivos e ao profesorado sos ante situacións de risco para a saúde e sen instrucións concretas de actuación.

FeSP-UGT Ensino presentoulle onte ao conselleiro de Educación e Ordenación Universitaria, Román Rodríguez, ás súas reivindicacións para o sector, nunha reunión longa e cordial, pero con escasos compromisos por parte de Administración.

A FeSP-UGT Ensino denuncia a total falta de criterio que se observa na adxudicación definitiva das materias afíns do Ensino Secundario. No día de onte (ás 21:00 horas) saíu publicada na páxina web da Consellería de Cultura, Educación e Ordenación Universitaria a adxudicación definitiva do corpo de profesorado de ensino secundario.

A supresión de unidades de forma unilateral e sen previo aviso á comunidade educativa suporá o peche do CPI Monte Caxado FeSP-UGT Ensino denuncia a falta de negociación da Xefatura Territorial de Educación da Coruña que, nunha decisión unilateral e sen previa consulta á comunidade educativa (profesorado e familias), decidiu eliminar as ensinanzas da etapa secundaria obrigatoria no CPI Monte Caxado de As Pontes. Esta medida adoptada pola Administración provocará a eliminación deste centro e a reubicación do alumnado e do profesorado do CEIP A Magdalena nas instalaciones do CPI Monte Caxado.

FeSP-UGT Galicia denuncia a falta de negociación da Delegación Provincial de Educación de Ourense que, nunha decisión unilateral e sen previa consulta á comunidade educativa (profesorado e familias), decidiu eliminar as ensinanzas da etapa secundaria obrigatoria no CPI Tomás de Lemos de Ribadavia. Esta medida adoptada pola Administración provocará a reubicación do alumnado e do profesorado do centro.

No día de hoxe 10 de maio deuse a coñecer o fallo do xurado da quinta edición dos Premios de Innovación Escola Viva, organizados polo colectivo Escola Viva e FeSP-UGT Ensino.

A acto de entrega dos premios realizarase nunha data aínda por determinar, pero que terá lugar antes do fin do curso escolar. 

No documento adxunto tedes a resolución do xurado cos dos premiados e os tres accesits.

O próximo día 10 de maio darase a coñecer a resolución do xurado da V edición do Premio á Innovación Educativa "Escola Viva". O anuncio do fallo do xurado retrasouse uns días sobre o prazo previsto debido á grande participación e a calidade dos traballos presentados que fixo máis intensas e complexas as reunións dos membros do xurado.

O sector de Ensino da  Federación de Traballadores dos Servizos Públicos da UGT Galicia  esixe á Consellería de Educación que garanta a seguridade dos membros da comunidade educativa e asuma a súa responsabilidade e tome as decisións que lle corresponden, neste caso no que se refire ás condicións meteorolóxicas.

FeSP-UGT Ensino denuncia a actuación da Consellería de Educación na Oferta Pública de Emprego 2017 con respecto aos Conservatorios de Música. “A OPE que anunciou a consellería convoca prazas de acceso de corpo A2-A1 para que o profesorado de Educación Secundaria poda cubrir prazas no CMUS, pero esta oferta non convoca oposicións libres para o profesorado de Conservatorio. Deste xeito a administración pretende resolver un problema legal  que está nos xulgados: o Profesorado de Educación Secundaria de Música que está impartindo docencia nos CMUS e ao cal os tribunais dixeron que había que arranxar xa que son corpos distintos”. Esta problemática xa chegou aos centros e no Conservatorio de Ourense haberá mobilizacións ao longo desta semana  pedindo a Consellería solucións. 

Santiago de Compostela, 9 de marzo de 2017. A sociedade galega respondeu de forma masiva á xornada de folga no ensino. O paro foi dun 90% na ESO e na Universidade, sendo dun 63% no global, xa que a folga estendíase dende a educación primaria ata a Universidade. Así, milleiros de docentes, pais e nais e alumnos saíron hoxe á rúa en Ferrol, Santiago, Lugo, Vigo, Ribeira  e A Coruña - hoxe ás 19.30 farano en Ourense -  para manifestar unha vez máis o rexeitamento á LOMCE e insistir na necesidade da reversión dos recortes no ensino.

Santiago de Compostela, 27 de febreiro de 2017. A Federación de Traballadores dos Servizos Públicos da UGT considera que a oferta do proceso de Oposicións anunciado hoxe pola Consellería de Educación na xuntanza da Mesa Sectorial é “insegura, sen negociación e escasa”.

A Federación de Traballadores dos Servizos Públicos da UGT ven de denunciar un novo ataque contra a calidade do Ensino Público, nesta ocasión, eliminando definitivamente a posibilidade de prematricularse no IES Castro da Uz ao alumnado de 4º da ESO derivándoo ao IES Moncho Valcárcel, ambos centros de As Pontes (A Coruña).

Santiago, 25 de xaneiro de 2017.- No contexto do calendario de mobilizacións posto en marcha por UGT e CCOO, que se desenvolverá baixo o lema “Servizos públicos.Recuperación de dereitos roubados”, centos de delegados da área pública de ambos sindicatos concentráronse hoxe pola mañá diante do Parlamento galego en defensa do dereito a negociación colectiva e recuperación de dereitos roubados que afecta a ensino, sanidade e Administración autonómica.

O Sector de Ensino de FeSP-UGT Galicia e Escola Viva anunciaron hoxe en rolda de prensa a convocatoria da quinta edición do Premio á Innovación Educativa Escola Viva. O prazo para a presentación dos traballos queda aberto dende hoxe ata o próximo día 17 de marzo.

A Plataforma en Defensa do Ensino Público de Galicia, da que forma parte FeSP-UGT Ensino,  xunto ao STEG fixeron hoxe balance da xornada de loita contra as reválidas, que se celebrou onte 26 de outubro en Galicia. "cun éxito absoluto, pola magnífica resposta unha vez máis da comunidade educativa".

A Plataforma en Defensa do Ensino Público de Galicia tras someter a debate a situación actual xerada pola aprobación do Real Decreto de reválidas acodou os seguintes acordos:

· Declarar o día 26 de outubro como xornada de loita contra as reválidas , para esixir a súa eliminación inmediata e definitiva, asi como a derrogación da LOMCE e a prol da reversión dos recortes.
· Apoiar a xornada de folga educativa convocada para esa data polo sector do alumnado e polo sector de pais e nais.
· Poñer en marcha un calendario de actuacións conxuntas contra as reválidas que se dará a coñecer en vindeira data.

A Plataforma en Defensa do Ensino Público de Galicia amosa o seu rexeitamento absoluto á imposición das reválidas e reitera que non deixará de realizar actuacións conxuntas dentro dun marco global de loita pola derrogación da LOMCE e o resto de contrarreformas educativas, así como para lograr a reversión total dos recortes sufridos nos últimos anos.

O Sector de Ensino de FeSP-UGT Galicia criticou a actitude de “desprezo” da Xunta de Galicia cara ao profesorado ao anunciar en rolda de prensa a creación de novas materias de libre configuración autonómica sen tratarse con anterioridade na mesa sectorial de Educación.

O Sector de Ensino de FeSP-UGT Galicia denuncia que a falta de planificación por parte da Administración Educativa provocará que materias de libre configuración que xa foron cursadas polo alumnado deban ser agora eliminadas.

O Sector de Ensino de FeSP-UGT Galicia propón cambiar as vacacións de Semana Santa polas de Primavera, para así establecer uns períodos lectivos máis homoxéneos. Así, este período vacacional sempre estaría ubicado entre o 1 e o 10 de abril, de forma que “alumnos e docentes terían distribuídos os seus períodos de traballo e descanso dunha forma máis equitativa, o que sen dúbida sería positivo para o rendemento duns e outros”.

FeSP-UGT de Galicia solicitou á Consellería de Cultura, Educación e Ordenación Universitaria que aumente o persoal do Conservatorio de Música de Ourense (CUMS) para poder cubrir a demanda existente de prazas e ofertar así un ensino público adecuado ás necesidades da sociedade galega. A resposta da consellería foi que non había posibilidade de aumentar a dotación de recursos humanos no devandito centro, mentres que autoriza a apertura dun centro privado que absorberá a demanda existente. Por este motivo FeSP Ensino recorda que a sociedade ten dereito ao ensino público en todas as modalidades  educativas.

Hoxe 25 de maio celebrouse en Santiago o acto de entrega da IV edición dos premios á innovación educativa “Escola Viva”, convocados por FETE-UGT Galicia e Escola Viva. O proxecto “Kale/Kela: Al son de las ciencias y las letras. Arte inclusiva”, do IES Ramón María Aller Ulloa de Lalín recibiu o primeiro premio.

FETE-UGT Galicia afirma que o alto absentismo do alumnado galego na proba de 6º de Primaria amosa “o rexeitamento da sociedade á LOMCE”. Esta é a valoración que fai o noso sindicato despois da celebración desta proba, á que sempre amosamos a nosa total oposición, despois de coñecer os datos de absentismo do alumnado, superior ao 67%.

GALERÍA FOTOGRÁFICA DAS CONCENTRACIÓNS DO 1º DE MAIO NAS DISTINTAS LOCALIDADES GALEGAS.

FETE-UGT manifestou, no pleno do Consello Galego de Convivencia Escolar, a súa preocupación pola inexistencia de recursos para levar adiante os plans de convivencia nos centros educativos. O pleno tivo lugar este pasado  venres e no transcurso do mesmo o Conselleiro de Cultura, Educación e Ordenación Universitaria, Román Rodríguez, presentou o informe de diagnose realizado en base ás enquisas realizadas a familias, alumnado, profesorado e persoal de administración e servizos (PAS). Esta enquisa elaborouse no fin do primeiro trimestre deste curso 2015-2016.

FETE-UGT Galicia manifestou o seu rexeitamento ao método proposto pola Xunta de Galicia para dotar de persoal administrativo aos centros de Educación Primaria.

FETE-UGT Galicia e Escola Viva anunciaron hoxe en rolda de prensa a convocatoria da cuarta edición do Premio á Innovación Educativa Escola Viva. O prazo para a presentación dos traballos quedan aberto dende hoxe ata o próximo día 18 de marzo.

O 27 de novembro celebrouse na Facultade de Ciencias da Educación de Santiago de Compostela un acto en apoio da integración das ensinanzas artísticas superiores no sistema universitario galego. Este acto foi convocado pola Plataforma Galega pola Adscrición e Integración das Ensinanzas Artísticas Superiores no sistema universitario galego, na que participa entre outros colectivos  FETE-UGT Galicia.

O xoves 26 de novembro celebrouse en Santiago a mesa redonda "Perspectivas da Educación en Galicia", na que os voceiros dos partidos políticos con presenza no Parlamento Galego deron a coñecer os plans dos seus partidos para a educación galega. Este evento foi convocado pola Plataforma en Defensa do Ensino Público.

O próximo día 26 de novembro (18:30 horas) celebrarase a  mesa redonda “Perspectivas da Educación en Galicia”, na que os voceiros de Educación dos partidos políticos presentes no Parlamento Galego informarán sobre cal é a súa proposta educativa para Galicia.

Esta iniciativa foi promovida pola  Plataforma en Defensa do Ensino Público, que está configurada polas organizacións CCOO, UGT, CONFAPA, SE, IESGA e Escola Viva, en representación de toda a comunidade escolar galega. Hoxe tivo lugar a rolda de prensa para presentar este acto e na mesma participaron Rafael Domínguez (FETE-UGT Galicia), Luz López (CCOO Ensino) e Lois Taboada (CONFAPA).

A Federación de Traballadores do Ensino da UGT de Galicia (FETE-UGT/Galicia), solicitou hoxe a paralización da implantación da LOMCE e “que se chegue a un pacto con todas as partes implicadas en favor da escola pública”. Esta manifestación tivo lugar no transcurso da comparecencia pública ofrecida con motivo inicio do novo curso escolar. No devandito acto informativo estiveron presentes o secretario xeral de FETE-UGT Galicia, Raúl Gómez Farto, e o representante do Ensino Público, Rafael Domínguez

FETE-UGT Galicia, tras coñecer a modificación dos concertos educativos con centros docentes privados, solicita á Xunta “un acordo de mantemento de emprego que permita recolocar aos traballadores que perdan o seu posto de traballo”. 

FETE-UGT Galicia esixe ao alcalde de A Baña, José Andrés García, a rectificación pública das desafortunadas e inxustas declaracións nas que descualificou ao colectivo do profesorado. O sindicato presentou no Concello de A Baña un escrito solicitando esa rectificación, así como que pida desculpas ao devandito sector.

FETE-UGT Galicia esixe á Administración a adopción de medidas para mellorar a situación dos profesionais no sector da atención a discapacidade. O sindicato destaca a necesidade de emprender accións despois de coñecer os resultados dunha enquisa realizada a preto de 700 traballadores e traballadoras deste sector. Un dos datos máis destacados da avaliación realizado foi que preto do 30% do persoal recibe con certa frecuencia algún tipo de agresión física.

A Xunta de Galicia anunciou, no transcurso da reunión da Comisión permanente do Consello Galego de Convivencia Escolar, que se celebrou o 17 de xuño, que non se ía establecer partida orzamentaria algunha para o desenvolvemento do Plan de Convivencia Escolar. O representante do profesorado manifestou a súa absoluta desconformidade porque pensa que é un plan moi importante para a comunidade escolar que necesita de medios para o seu correcto desenvolvemento.

A Xunta de Persoal Docente da provincia de Ourense condena a agresión sufrida por unha profesora do CEIP Princesa de España de Verín 

A Plataforma en Defensa do Ensino Público de Galicia esixiu hoxe en rolda de prensa a retirada da proba de avaliación individualizada (reválida) de terceiro de Primaria, tal e como xa se fixo noutras comunidades autónomas.

Abanca incumpre a promesa feita en xuño de 2014 de dar estabilidade e continuidade á obra social das antigas Caixas.

A PLATAFORMA EN DEFENSA DO ENSINO PÚBLICO DE GALICIA REXEITA A PROBA DE AVALIACIÓN INDIVIDUAL DE TERCEIRO CURSO DE ENSINO PRIMARIO IMPOSTA POLA LOMCE E APOIA A PROPOSTA DA CONFAPA QUE TRATA DE EVITAR CONSECUENCIAS NEGATIVAS PARA O ALUMNADO.

FETE-UGT reclama políticas laborais que permitan unha mellor saúde laboral dos traballadores/ás do ensino.

O Consello para a Convivencia Escolar de Galicia é por fin unha realidade. Con moito retraso, despois dunha lei promulgada no 2011 e o correspondente decreto de xaneiro de 2015, o Consello quedou finalmente constituído o pasado día 24 de abril coa presenza na comisión permanente de FETE-UGT Galicia e baixo a presidencia do Conselleiro de Cultura, Educación e Ordenación Universitaria, Román Rodríguez. O acto tivo lugar na Escola Galega de Administración Pública (EGAP).

FETE-UGT de Galicia participou no XXIII Encontro dos Consellos Escolares Autonómicos e do Estado celebrado en Santander os días 16,17 e 18 de abril.

FETE UGT apoia e considera completamente xustificada a folga convocada polas distintas organizacións estudiantís para o día 26 de febreiro.

Unha nova sentenza do TSXG anula parcialmente a valoración dos servizos prestados como interino no apartado 1.1.2 do baremo

Comunicado da Plataforma en Defensa do Ensino Público ante o Real Decreto de Especialidades de Secundaria

Escola Viva e FETE-UGT comunican os premiados do III premio de Innovación Educativa.

Entre os 42 traballos presentados o xurado decidiu otorgar o primeiro premio dotado con 1000€ ao IES Xograr Alfonso Gómez de Sarria polo seu traballo "Disfruta e baila ao son do Xograr"

O segundo premio, cunha dotación de 500€, recaeu na profesora Mónica Corbacho do CEIP Porto Cabeiro de Redondela co traballo "Construíndo a aprendizaxe"

FETE-UGT Galicia interpuxo un recurso contencioso administrativo contra o Decreto 107/2014 polo que se regula a Formación Profesional Básica en Galicia e se establecen os currículums da mesma.

Os sindicatos representados no comité de empresa da Asociación Galega San Francisco, FETE-UGT, CIG e CCOO, convocan para mañá 12 de novembro (15:00 horas) unha concentración diante do Parlamento de Galicia á mesma hora na que,  previsiblemente, a Conselleira de Traballo e Benestar, Beatriz Mato, responda a unha interpelación de parlamentarios do BNG respecto á adxudicación de 73 prazas de atención á discapacitados intelectuais á empresa privada Doral Residencias en prexuízo de AGASFRA (Asociación Galega San Francisco).

Movilización en defensa do centro de Coia da Asociación San Francisco.